पंतप्रधान किसान सन्मान निधी योजना
(PM-किसान) ही केंद्र सरकारद्वारे सुरु केलेली एक महत्त्वपूर्ण योजना आहे, ज्याचा उद्देश लहान आणि अत्यल्प भूधारक शेतकऱ्यांना वार्षिक रु. 6000 पर्यंतचे आर्थिक समर्थन प्रदान करणे आहे.
या योजनेंतर्गत, सर्व पात्र शेतकरी कुटुंबांना एकूण रु. 6000 वार्षिक देण्यात येतात, ज्यात प्रत्येकी रु. 2000 चे तीन समान हप्ते दर चार महिन्यांनी थेट शेतकऱ्यांच्या आधार लिंक असलेल्या बँक खात्यात जमा होतात.
पंतप्रधान किसान सन्मान निधी योजना new update
पी.एम. किसान सन्मान निधी योजना आणि नमो शेतकरी महासन्मान निधी योजना यांचे अनुक्रमे १८वा आणि पाचवा हप्ता, ऑगस्ट २०२४ ते नोव्हेंबर २०२४ या कालावधीसाठी, मा. पंतप्रधान नरेंद्र मोदी यांच्या हस्ते दिनांक ०५ ऑक्टोबर २०२४ रोजी सकाळी ११ वाजता पोहरादेवी, तालुका मानोरा, जिल्हा वाशिम येथे पार पडणाऱ्या समारंभात वितरीत केले जाणार आहेत.
लाभ मिळविण्यासाठी ई-केवायसी करा.
पीएम किसान योजनेचा लाभ मिळवण्यासाठी, शेतकऱ्यांना ई-केवायसी प्रक्रिया पूर्ण करणे अत्यावश्यक आहे. पीएम किसानचे फायदे घेण्यासाठी, शेतकऱ्यांनी त्याच्या अधिकृत वेबसाइटवर जाऊन ई-केवायसी प्रक्रिया पूर्ण करणे गरजेचे आहे. ई-केवायसी न झाल्यास, शेतकऱ्यांना या योजनेचे फायदे मिळणार नाहीत आणि त्यांच्या खात्यात अनुदानाची रक्कम जमा होणार नाही.
शेतकऱ्यांनी आपले ई-केवायसी वेळेवर पूर्ण करण्यासाठी पीएम किसान पोर्टलचा वापर करावा, जिथे ते मोबाइल नंबर आणि आधार कार्डच्या सहाय्याने ओटीपीच्या मदतीने ई-केवायसी पूर्ण करू शकतात. तसेच, शेतकरी आपल्या जवळच्या कॉमन सर्व्हिस सेंटरला (CSC) भेट देऊन देखील ई-केवायसी प्रक्रिया पूर्ण करून योजनेचा लाभ मिळवू शकतात.
